قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشتى

شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيانى جاپپاي قاتاڭ جونگە سالۋدى قاجىماي - تالماي، تاباندىلىقپەن تەرەڭدەتەيىك

چىن چۋانگو ءماجىلىستى باسقاردى

2018.02.14 15:08 كەلۋ قاينارى : شينجياڭ گازەتىنەن

  ءتىلشىمىز ياۋ تۇڭ 13 - اقپاندا ۇرىمجىدەن حابارلايدى. 12 - اقپاندا اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، پروكۋراتۋرا ورگانىنىڭ سۇن جىڭسايدىڭ قىلمىسىنا قاتىستى الەۋمەتتىك شاعىم ايتۋ جاعدايىن حابارلاندىردى. ماجىلىسكە قاتىناسقان جولداستار ءبىر اۋىزدان، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قولداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايتىندىقتارىن ءبىلدىردى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
  ءماجىلىس مىنانى اتاپ كورسەتتى: سۇن جىڭساي دەلوسى جونىنەن زاڭ بويىنشا الەۋمەتتىك شاعىم ايتۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋدى ماڭگى توقتاتپايتىن قايىسپاس جىگەرى مەن ءىرىپ - شىرۋگە قارسى تۇرۋ كۇرەسىن سوڭىنا دەيىن جۇرگىزەتىن بەرىك بەكىمىن تولىق ايگىلەدى. يدەيا مەن ارەكەتتى پارتيا ورتالىق كوميتەتىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ پارتيانى جاپپاي قاتاڭ جونگە سالۋ ستراتەگيالىق ورنالاستىرۋىن باتىل دايەكتىلەندىرىپ، تياناقتاندىرىپ، سۇن جىڭسايدىڭ قىلمىستىق دەلوسىن تاربيە ماتەريالى ەتىپ، تەرەڭ ساباق الىپ، باتىل عيبىرات ەتىپ، پارتيا ستيلى، پاكتىك قۇرىلىسى مەن ءىرىپ - شىرۋگە قارسى تۇرۋ كۇرەسىن قاجىماي - تالماي، تاباندىلىقپەن تەرەڭدەتۋ كەرەك.
  ءماجىلىس مىنانى باسا دارىپتەدى: «4 تانىمدى» مىقتاپ ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋدى ەڭ جوعارى ساياسي پرينسيپ جانە ءتۇبىرلى ساياسي قاعيدا ەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ادال سەنۋشىلەرى جانە تاباندى اتقارۋشىلارى بولىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باستاماشىلدىقپەن قورعاپ، شينجياڭ استانا بەيجيڭنەن شالعاي بولسا دا، اۆتونوميالى رايوندىق پارتكومنىڭ، اۆتونوميالى رايونداعى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرىنىڭ، كادرلاردىڭ جانە ءار ۇلت كادر، بۇقاراسىنىڭ تىلەگىنىڭ باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن تىعىز ەتەنە بولۋىن، تىعىز بايلانىسۋىن تاباندىلىقپەن باتىل جۇزەگە اسىرىپ، ساياسي تۇرعىدا، ساياسي بەتالىستا، ساياسي پرينسيپتە، ساياسي جولدا باستان - اياق پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
  ءماجىلىس مىنانى اتاپ كورسەتتى: نەگىزگى زاڭعا، زاڭعا قۇرمەت ەتۋ سەزىمىندە بولىپ، زاڭمەن جونگە سالۋعا باتىل بويسۇنۋ، زاڭمەن جونگە سالۋدى باتىل اتقارۋ تۇراقتىلىعىن شىن مانىندە كۇشەيتۋ كەرەك. تۇتاس رايونىمىزداعى پارتيا مۇشەلەرى مەن كادرلار، اسىرەسە، باسشى كادرلار نەگىزگى زاڭدى باستاماشىلدىقپەن قۇرمەتتەپ، باستاماشىلدىقپەن ۇيرەنىپ، باستاماشىلدىقپەن بويسۇنىپ، باستاماشىلدىقپەن قورعاپ، باستاماشىلدىقپەن پايدالانىپ، نەگىزگى زاڭ مەن زاڭ اياسىندا ۇقىق جۇرگىزىپ، قىزمەت جاۋاپكەرشىلىگىن اتقارىپ، نەگىزگى زاڭ مەن زاڭداردى پارتيا مۇشەلەرىنىڭ، كادرلاردىڭ كۇندەلىكتى داعدىسى جانە سانالى تۇردە بويسۇنۋ ولشەمى ەتۋ كەرەك.
  ءماجىلىس مىنانى باسا دارىپتەدى: ۇقىق جۇرگىزۋدى تەجەۋدى جانە باقىلاۋدى كۇشەيتىپ، پارتيا مەن حالىق بەرگەن ۇقىقتى حالىق ءۇشىن قىزمەت كورسەتۋىنە شىنايى كەپىلدىك ەتۋ كەرەك. تۇتاس رايونىمىزداعى پارتيالى كادرلار وزدەرىنىڭ ءبىرىنشى سالاۋاتتارىنىڭ پارتيا مۇشەسى بولۋ، ءبىرىنشى قىزمەت جاۋاپكەرشىلىكتەرىنىڭ پارتيا ءۇشىن قىزمەت ەتۋ ەكەندىگىن ەستەرىندە بەرىك ساقتاپ، حالىق بەرگەن ۇقىقتى حالىقتىڭ يگىلىگى ءۇشىن جۇرگىزۋ كەرەك. ۇقىق جۇرگىزۋدى تەجەۋ جانە باقىلاۋ مەحانيزمىن ونان ارى كەمەلدەندىرىپ، ۇقىق بولعان جەردە، ءسوز جوق، جاۋاپكەرشىلىك بولۋ، ۇقىق جۇرگىزگەن جەردە، ءسوز جوق، جاۋاپكەرشىلىك ارقالاۋ، الباتى ۇقىق جۇرگىزگەندەردەن، ءسوز جوق، جاۋاپكەرشىلىك قۋزاستىرۋ ءتۇزىمىن قالىپتاستىرىپ، ۇقىقتىڭ اشىق - جاريا جۇرگىزىلۋىنە شىنايى كەپىلدىك ەتۋ كەرەك.
  ءماجىلىس مىنانى اتاپ كورسەتتى: شينجياڭ بولشەكتەۋشىلىككە قارسى تۇرۋ كۇرەسىنىڭ الدىڭعى شەبىندە جانە نەگىزگى شايقاس الاڭىندا تۇرعانىمەن، لاڭكەستىككە قارسى تۇرىپ، ورنىقتىلىقتى قورعاۋ مىندەتى اۋىر بولعانىمەن، ءبىراق پارتيا ستيلى، پاكتىك قۇرىلىسى مەن ءىرىپ - شىرۋگە قارسى تۇرۋ كۇرەسى ماسەلەسىندە ەشقانداي ەرەكشەلەنۋ يدەياسى بولمايدى، بولشەكتەۋشىلىككە قارسى تۇرۋ كۇرەسىن مىقتى يگەرۋمەن بىرگە، پارتيا ستيلى، پاكتىك قۇرىلىسى مەن ءىرىپ - شىرۋگە قارسى تۇرۋ كۇرەسىن دە مىقتى يگەرىپ، پارتيانى ءسۇيۋ، پارتيانىڭ قامىن جەۋ، پارتيانى كوركەيتۋ، پارتيانى قورعاۋ تانىمىن ونان ارى كۇشەيتىپ، پارتيانى جاپپاي قاتاڭ جونگە سالۋ، پارتيانى جاپپاي زاڭمەن جونگە سالۋ تالابىن قاتاڭ تياناقتاندىرىپ، ۇزدىكسىز جالعاستىرۋ باتىلدىعى جانە بەكىمى ارقىلى پارتيا ستيلى، پاكتىك قۇرىلىسى مەن ءىرىپ - شىرۋگە قارسى تۇرۋ كۇرەسىن سوڭىنا دەيىن باتىل جۇرگىزۋ كەرەك.
  ءماجىلىس مىنانى تالاپ ەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، «كەشەندى شارالاردى» ويداعىداي اتقارىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى باياندى كوركەيتىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭدى قۇلشىنا قۇرىپ شىعۋ كەرەك.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ