قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

تۋىم ايقىن تۇردە «ءۇش ءتۇرلى كۇشپەن» جانە «ەكىبەتكەيلەرمەن» باتىل كۇرەسەمىن

□ شينجياڭ گازەتى مەكەمەسى 2 - رەداكسيا گازەت شىعارۋ ءبولىمىنىڭ مەڭگەرۋشىسى يلھام يمىن

2018.01.13 21:55 كەلۋ قاينارى : شينجياڭ گازەتىنەن

  مەن كادر وتباسىندا دۇنيەگە كەلدىم، اكە - شەشەم بىردەي پارتيا مۇشەسى. پارتيانىڭ نۇر شۇعىلاسىندا جوعارى مەكتەپ تابالدىرىعىن اتتادىم، سونداي - اق بىرتە - بىرتە پارتيانىڭ اقپارات قىزمەتكەرى بولىپ تولىسىپ، جەتىلدىم. ءار جولعى وتباسى باس قوسۋىندا ءبىز قازىرگىدەي باقىتتى دا تاماشا تۇرمىسىمىزدى تىلگە تيەك ەتىپ، پارتيا مەن ۇلى وتاننىڭ شاپاعاتىنا شىن دىلىمىزبەن العىس ايتامىز. پارتيانىڭ دۇرىس باسشىلىعىنىڭ ارقاسىندا عانا، قازىرگىدەي باقىتتى تۇرمىسقا قول جەتكىزىپ وتىرمىز.
  پارتيالى كادرلاردىڭ پارتيالىلىق ساپاسىنىڭ قالاي بولۋى، باتىل جاۋاپكەرشىلىك ارقالاي الۋ - الماۋى − پارتيانىڭ لۋشيان، باعىت - ساياساتتارىن دايەكتىلەندىرۋگە، تياناقتاندىرۋعا، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ اياق الىسىنا تىكەلەي قاتىستى. سول سەبەپتى مەن وبۇلقاسىم ءماتتۇرسىن جولداستان ۇيرەنىپ، ۇلكەن دۇرىس پەن ۇلكەن بۇرىس ماسەلەسىندە باتىل ءۇن قاتامىن، ەرلىكپەن ايقىن پوزيتسيا بىلدىرەمىن، پارتيالىلىقتى دارىپتەۋدە، باتىل جاۋاپكەرشىلىك ارقالاۋدا ۇلگى، ونەگە بولامىن.
  ۇلتتىق بولشەكتەۋشىلىككە قارسى تۇرۋ، وتان تۇتاستىعى مەن ۇلتتار ىنتىماعىن قورعاۋ − مەملەكەتتىڭ ەڭ جوعارى مۇددەسىنىڭ ايگىسى بولۋمەن بىرگە، شينجياڭداعى ءار ۇلت حالقىنىڭ ءتۇبىرلى مۇددەسىنىڭ بەينەلەنۋى. سوندىقتان وتان تۇتاستىعى مەن ۇلتتار ىنتىماعىن، ءسوزسىز، باتىل قورعاۋىمىز، «ءۇش ءتۇرلى كۇشتىڭ» اپتىعىن، ءسوزسىز، باسىپ، دەسىن قايتارۋىمىز، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن، ءسوزسىز، بىرلىككە كەلتىرۋىمىز، لاڭكەستىككە قارسى تۇرىپ، ورنىقتىلىقتى قورعاۋداعى ءتۇرلى قىزمەتتەردى تىڭعىلىقتى ويداعىداي ىستەۋىمىز، وتان تۇتاستىعى مەن ۇلتتار ىنتىماعىن قورعاۋدىڭ، ۇلتتىق بولشەكتەۋشىلىككە قارسى تۇرۋدىڭ قۇرىش قامالىن بەكەم سوعۋىمىز كەرەك.
  از ۇلت پارتيالى كادر ساناتىندا، مەن «ءۇش ءتۇرلى كۇشتىڭ» كەرتارتپا ءمانىن باتىل اشكەرەلەپ، ولاردىڭ سۇرقيا بەت - بەينەسى مەن ارام ويىن پاش ەتىپ، سىن تەزىنە الامىن. سونمەن بىرگە شينجياڭداعى ءار ۇلت حالقىنىڭ ورنىقتىلىقتى كوزدەگەن، دامۋعا ۇمتىلعان، جاراسىمدىلىققا تالپىنعان جۇرەك جاردى ءۇنىن كۇش سالا تاراتىپ، شينجياڭداعى ءار ۇلت حالقىنىڭ ىنتىماقتى، ءوزارا قارايلاساتىن تاماشا جاعدايىن كۇش سالا ۇگىتتەيمىن. ءوز باسىمنان ونەگە كورسەتىپ، از ۇلت پارتيالى كادرلاردىڭ ەرەكشە باسىمدىعىن ساۋلەلەندىرىپ، تۋىس - تۋعان، دوس - جاراندارىما جانە ماڭايىمداعى ءار ۇلت بۇقاراسىنا پارتيانىڭ ۇلت، ءدىن ساياساتى مەن حالىققا تيىمدىلىك جاساۋ ساياساتتارىن ۇگىتتەپ، كوپشىلىكتى پارتيانىڭ شاپاعاتىنا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە، اق پەن قارانى پارىقتاۋ قابىلەتىن نىعايتۋعا تاربيەلەيمىن، باستايمىن.
  پارتيا گازەتىنىڭ قىزمەتكەرى بولعان مەن يدەولوگيا سالاسىندا بولشەكتەۋشىلىككە قارسى تۇرۋ كۇرەسىندەگى جاۋاپكەرشىلىكتى، بورىشتى سانالى ارقالايمىن، ءتۇرلى قاتە يدەيالاردىڭ شىرعاسىنا تۇسپەيمىن، تار ءورىستى ۇلتشىلدىق تانىمنىڭ ازعىرۋىنا ۇشىرامايمىن، كورنەۋدە ءبىر ءتۇرلى، كومەسكىدە ءبىر ءتۇرلى، كورىنىستە بويسۇنعانسىپ، كومەسكىدە قارسى شىعاتىن «ەكىبەتكەيلەردى» ايقىن تانۋعا كۇش سالامىن، «وزىممەن ەشقانداي قاتىسى جوق» دەپ ەسكەرمەي قوياتىن «مونتانى ادام» يدەياسىن باتىل تەجەپ، «كورسە دە كورمەسكە سالىناتىن» كەرەناۋ ستيلدى باتىل الاستايمىن، كۇڭگىرت تانىمدار جونىندە اق پەن قارانى پارىقتاپ، قاتە كوزقاراستارعا قاراتا باتىل ءۇن قاتىپ، ايقىن پوزيتسيا ءبىلدىرىپ، بولشەكتەۋشىلىككە قارسى تۇرۋ كۇرەسىندە كوشباسشى بولامىن. يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىندە كەۋدە كەرە العا شىعامىن، اتويلاپ الدا جۇرەمىن، تاريحي بورىشتى سانالىلىقپەن ارقالاپ، «ءۇش ءتۇرلى كۇشپەن» ءۇزىلدى - كەسىلدى كۇرەس جاسايمىن، قاي - قاشان دا ءوز جاۋاپكەرلىگىمدى ءبىلىپ، ءوز جاۋاپكەرلىگىمدى ارقالاپ، ءوز جاۋاپكەرلىگىمدى ادا ەتەمىن.
  يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتايمىن، پارتياعا ابسوليۋتتى ادال بولامىن، ساياسي ءتارتىپتى جانە ساياسي قاعيدانى قىزىل سىزىق، ەڭ تومەنگى شەك ەتىپ، قاي - قاشان دا ءسوزىم مەن ارەكەتىم بىركەلكى، ءىشىم مەن سىرتىم بىردەي بولۋعا قۇلشىنىپ، قوعام ورنىقتىلىعىن قورعاۋدىڭ ونەگەسى بولامىن. ۇلتتار ىنتىماعىن كوز قاراشىعىمداي قورعاپ، ومىرىمدەي قاستەرلەپ، ۇلتتار ىنتىماعىنىڭ ونەگەسى بولۋعا، ءار ۇلت باۋىرلاستارىن ءوزارا قول ۇشىن بەرىپ، ءوزارا قارايلاسۋعا، مەكەنىمىزدى قول ۇستاسا كوركەيتۋگە ىنتىماقتاستىرا باستايمىن.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ