قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

جۇڭحۋا ۇلتى ورتاق تۇلعاسى تانىمىن بەرىك ورناتايىق

□ سانجى حۇيزۋ اۆتونوميالى وبلىسى وقۋ - اعارتۋ قىزمەت كوميتەتىنىڭ مۇشەسى،  ءتارتىپ تەكسەرۋ قىزمەتى كوميتەتىنىڭ شۋجيى، ءتارتىپ تەكسەرۋ گرۋپپاسىنىڭ باستىعى، تەكسەرىپ - زەرتتەۋشى ءدىلمۇرات مامەت 

2018.01.13 21:50 كەلۋ قاينارى : شينجياڭ گازەتىنەن

  كوپ ۇلتتى ءبىر مەملەكەتتە، ءمۇبادا، بەرىك ازاماتتىق تانىم كەمشىل بولىپ، مەملەكەت جونىندە كۇشتى ورتاق تانىم بولماعاندا، ۇلتتار ىنتىماعىنا، كوركەيىپ، دامۋعا ىقپالى تيەدى. سوندىقتان دۇرىس تاريح كوزقاراسى تاربيەسىنەن باستاپ ىسكە كىرىسىپ، شينجياڭداعى ءار ۇلت بۇقاراسىن تاريحتى دۇرىس تۇسىنۋگە، تاريحتى دۇرىس تانۋعا، تاريحقا دۇرىس مامىلە جاساۋعا، شينجياڭنىڭ ەلىمىز تەرريتورياسىنىڭ بولىنبەس ءبىر بولىگى ەكەندىگىن، شينجياڭداعى ءار ۇلت حالقىنىڭ بارلىعى جۇڭحۋا ۇلتى ۇلى شاڭىراعىنىڭ ءبىر مۇشەسى ەكەندىگىن ايقىن اڭعارۋعا باستاۋىمىز قاجەت.
  يدەولوگيا قىزمەتى پارتيانىڭ بولاشاق تاعدىرى مەن مەملەكەتتىڭ باياندى تىنىشتىعىنا، سونداي - اق ۇلتتىڭ جۇمىلعىشتىعى مەن بەرەكە - بىرلىگىنە ساياتىن پارتيانىڭ اسا ماڭىزدى قىزمەتى. شينجياڭ قىزمەتىندە نازاردى باس نىساناعا شوعىرلاندىرۋ، سۋدى باسىنان تۇنىتۋعا تاباندى بولۋ، يدەيالىق تاربيەنى ايبىندى تۇردە ورىستەتىپ، شىن مانىندە ساناعا قۇيىپ، كوكەيگە ۇيالاتۋ، ءسويتىپ، ءار ۇلت كادر - جۇرتشىلىعىنىڭ ۇلى وتانعا دەگەن ورتاق تانىمدى شىن جۇرەگىمەن نىعايتۋلارىنا دەم بەرۋ قاجەت.
  ءبىز ماركسيزمدىك «5 كوزقاراستى»، «5 ورتاق تانىمدى»، «ءۇشتىڭ ءبىر - بىرىنەن ايرىلا الماۋى»، شينجياڭنىڭ «3 تاريحى» تاربيەسىن كۇشەيتىپ، قالىڭ كادر - جۇرتشىلىعىنا 56 ۇلتتىڭ بارلىعى «ۇلتتار ىنتىماعىنىڭ بەرەكەلى شاڭىراعىنىڭ» مۇشەسى ەكەندىگى سىندى فاكتتى ايقىن ۇعىندىرۋىمىز كەرەك. ءىشىنارا ازعىنداردىڭ وي - ساناسىن «ءپانىسلاميزم»، «پانتۇركيزم» يدەياسىنىڭ شىرىتۋىنەن، جۇڭحۋا ۇلتى ورتاق تۇلعا دەگەن تانىمنىڭ جەتەرسىزدىگىنەن ولاردىڭ «ءۇش ءتۇرلى كۇشتىڭ» قول شوقپارىنا اينالعاندىعىن جەتە ۇعىندىرۋىمىز ءتيىس. يدەيالىق جاقتاعى ماسەلەنى ويداعىداي شەشۋ، «ءپانىسلاميزم»، «پانتۇركيزم» يدەياسىنىڭ ۋلى مەرەزىن الاستاۋ ءۇشىن، جۇڭحۋا ۇلتى ورتاق تۇلعا دەگەن تانىمدى بەرىك ورناتۋ، قۇبىلىسقا وي جۇگىرتۋ ارقىلى اقيقاتتى جانە ساندىراقتى پارىقتاۋ قۋاتىن كۇشەيتۋ، «ءۇش ءتۇرلى كۇشتىڭ» ساياسي جاقتاعى كەرتارتپا سيپاتىن، ءدىني جاقتاعى جاساندىلىعىن، تاسىلدەگى كوز بوياۋشىلىعىن جەتە تانۋ قاجەت.
  ورتاق ءتىل جانە ارناعا تۇسكەن حانزۋ ءارىپى − ەلىمىزدە ءبىر تۇتاس قولدانىلاتىن ءتىل - جازۋ، ول سۇيىسپەنشىلىكتىڭ دانەكەرى، ءتۇسىنىسۋدى جەبەۋدەگى كوپىر. ەلىمىزدە ءبىر تۇتاس قولدانىلاتىن ءتىل - جازۋدى ۇيرەنۋ جانە ونى قولدانۋدىڭ ازاماتتاردىڭ وتانشىلدىق سەزىمدەرىن جەتىلدىرۋىنە، جۇڭحۋا ۇلتىنىڭ ۇيىسۋ قۋاتىن نىعايتۋىنا سەپتىگى تيەدى. از ۇلتتاردىڭ ەلىمىزدە ءبىر تۇتاس قولدانىلاتىن ءتىل - جازۋدى يگەرۋى ءىس جۇزىندە از ۇلتتاردىڭ وقۋ - اعارتۋدان يگىلىكتەنۋ ۇقىعىن قورعاعاندىق، ءار ۇلت بۇقاراسىنىڭ «سىرتقا شىعۋىنا» وراي جاراتقاندىق، وسى زامانعى وركەنيەتتەن يگىلىكتەنۋ ورايىمەن قامداعاندىق. 2001 - جىلى «مەملەكەتتە ءبىر تۇتاس قولدانىلاتىن ءتىل - جازۋ زاڭىنىڭ» رەسمي اتقارىلۋى ورتاق ءتىلدىڭ جانە ارناعا تۇسكەن حانزۋ ءارىپىنىڭ زاڭدىق مارتەبەسىن اناعۇرلىم ايقىندادى. شينجياڭداعى ءار ۇلت بۇقاراسى مەملەكەتتە ءبىر تۇتاس قولدانىلاتىن ءتىل - جازۋدى ۇيرەنىپ، جۇڭحۋا مادەنيەتىن تاراتۋلارى قاجەت. از ۇلت بالالارىنىڭ مەملەكەتتە ءبىر تۇتاس قولدانىلاتىن ءتىل - جازۋدى يگەرۋى، قولدانۋى ولاردىڭ بولاشاقتا ءتىپتى دە ويداعىداي دامۋلارىنا، ءتىپتى دە جارقىن تۇرمىسقا تالپىنۋلارىنا بەرىك نەگىز قالايدى.
  شينجياڭداعى ءار ۇلت حالقى جۇڭگو كوممۋنيستىك پارتياسىن، وتاندى، جۇڭحۋا ۇلتى ۇلى شاڭىراعىن قىزۋ ءسۇيۋى، زاڭ - تارتىپكە بويسۇنۋى، عىلىمعا قۇرمەت ەتۋى، ۇلتتار ىنتىماعىن كۇشەيتىپ، سوتسياليستىك وزەكتى قۇن كوزقاراسىن امالياتتا ايگىلەۋدىڭ ونەگەسى بولۋى كەرەك. تەك پارتيانىڭ پارمەندى باسشىلىعىندا عانا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا بولادى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ