قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

ج ك پ ورتالىق كوميتەتى ساياسي بيۋروسى ءماجىلىس اشىپ

ج ك پ 19 - كەزەكتى ورتالىق كوميتەتىنىڭ ەكىنشى جالپى ماجىلىسىندە قاراۋعا ۇسىنىلاتىن حۇجاتتاردى تالقىلادى

ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

2018.01.13 21:19 كەلۋ قاينارى : شينجياڭ گازەتىنەن

  شينحۋا اگەنتتىگىنىڭ 12 - قاڭتاردا بەيجيڭنەن بەرگەن حابارى. ج ك پ ورتالىق كوميتەتى ساياسي بيۋروسى 12 - قاڭتاردا ءماجىلىس اشىپ، نەگىزگى زاڭنىڭ ءىشىنارا مازمۇنىنا وزگەرىس ەنگىزۋ ۇسىنىسىن اقىلداستى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
  ءماجىلىس جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ەكىنشى جالپى ءماجىلىسىن 18 - ، 19 - قاڭتار كۇندەرى بەيجيڭدە اشۋدى ۇيعاردى.
  ج ك پ ورتالىق كوميتەتى ساياسي بيۋروسى «ج ك پ ورتالىق كوميتەتىنىڭ نەگىزگى زاڭنىڭ ءىشىنارا مازمۇنىنا وزگەرىس ەنگىزۋ جونىندەگى ۇسىنىس» جوباسىنا پارتيا ءىشى - سىرتىندا ءمالىم كولەمدە پىكىر الۋ جاعدايى تۋرالى باياندامانى تىڭداپ، وسى رەتكى ماجىلىستە تالقىلانعان پىكىرلەرگە ساي، وزگەرىس ەنگىزىلگەننەن كەيىن حۇجات نۇسقاسىن ج ك پ 19 - كەزەكتى ورتالىق كوميتەتىنىڭ ەكىنشى جالپى ماجىلىسىندە قاراۋعا ۇسىنۋدى ۇيعاردى.
  ءماجىلىس بىلاي دەپ قارادى: نەگىزگى زاڭ − مەملەكەتتىڭ ءتۇبىرلى زاڭى، مەملەكەت ءىشىن ورنىقتىرۋدىڭ باس ۋستاۆى، پارتيا مەن حالىقتىڭ ەرىك - جىگەرىنىڭ شوعىرلى بەينەسى. قازىر اتقارىلىپ وتىرعان نەگىزگى زاڭ جاريالانعاننان بەرى، رەفورما جاساپ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ تاريحي بارىسىندا پارتيامىزدىڭ ەل باسقارۋ امالياتىندا ەرەكشە ماڭىزدى رول اتقاردى. اماليات ەلىمىزدىڭ قازىر اتقارىپ وتىرعان نەگىزگى زاڭىنىڭ مەملەكەت جاعدايىنا ۇيلەسەتىن، ءىس جۇزىندىككە ۇيلەسەتىن، ءداۋىردىڭ دامۋ تالابىنا ۇيلەسەتىن تاماشا نەگىزگى زاڭ ەكەندىگىن دالەلدەدى.
  ءماجىلىس مىنالاردى اتاپ كورسەتتى: پارتيامىز نەگىزگى زاڭنىڭ ەل باسقارۋداعى ماڭىزدى ورنى مەن رولىنا وسكەلەڭ ءمان بەرىپ، مەملەكەتتى زاڭمەن جونگە سالۋعا تاباندى بولۋدا، الدىمەن، مەملەكەتتى نەگىزگى زاڭمەن جونگە سالۋعا تاباندى بولۋدى، بيلىكتى زاڭ بويىنشا جۇرگىزۋدە، الدىمەن، بيلىكتى نەگىزگى زاڭ بويىنشا جۇرگىزۋگە تاباندى بولۋدى ايقىنداپ، نەگىزگى زاڭدى اتقارۋدى مەملەكەتتى زاڭمەن جاپپاي جونگە سالۋدىڭ كورنەكتى ورنىنا قويىپ، نەگىزگى زاڭدى اتقارۋ جانە باقىلاۋ قىزمەتىن ءبىر قىدىرۋ پارمەندى شارالاردى قولدانۋ ارقىلى كۇشەيتىپ، نەگىزگى زاڭنىڭ اتقارىلۋىنا كەپىلدىك ەتۋگە پارمەندى ساياسي جانە تۇزىمدىك قامتاماسىزدىق ازىرلەدى.
  ءماجىلىس بىلاي دەپ ەسەپتەدى: ەلىمىزدىڭ نەگىزگى زاڭى مەملەكەتتىڭ ءتۇبىرلى زاڭى تاسىلىندە جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ توڭكەرىس، قۇرىلىس، رەفورما جۇرگىزگەن ۇلى كۇرەسى مەن ءتۇبىرلى ناتيجەسىن تۇراقتاندىردى، جۇمىسشى تابى باسشىلىعىنداعى، جۇمىسشى - شارۋا وداعىن نەگىز ەتكەن حالىقتىق دەموكراتيا ديكتاتۋراسىندىق سوتسياليستىك مەملەكەتتىڭ مەملەكەت ءتۇزىلىسىن جانە حالىق قۇرىلتايى ءتۇزىمىنىڭ بيلىك قۇرىلىمىن ورناتتى، مەملەكەتتىڭ ءتۇبىرلى مىندەتىن، باسشىلىق ۇيتقىسىن، جەتەكشى يدەياسىن، دامۋ جولىن، كۇرەس نىساناسىن ايقىندادى، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمىن بەلگىلەدى، سوتسياليستىك زاڭمەن جونگە سالۋ پرينسيبىن، دەموكراتيالىق ورتالىقتاندىرۋ ءتۇزىمى پرينسيبىن، ادامدىق ۇقىققا قۇرمەت ەتۋ جانە ونى قامتاماسىز ەتۋ پرينسيبىن بەلگىلەدى، مىنە وسى سياقتىلار ەلىمىزدەگى ءار ۇلت حالقىنىڭ ورتاق ەرىك - جىگەرىن جانە ءتۇبىرلى مۇددەسىن بەينەلەدى. ەلىمىزدىڭ نەگىزگى زاڭىندا تۇراقتانعان ءبىر قىدىرۋ ءتۇزىم، پرينسيپ جانە ەرەجە، ايقىندالعان ءبىر قىدىرۋ ءىرى باعىت - ساياسات ايقىن ەرەكشەلىككە، بەرىك نەگىزگە، كۇشتى ومىرشەڭدىك كۇشكە يە، وعان، ءسوز جوق، ۇزاق ۋاقىت تاباندى بولۋ، ونى جاپپاي دايەكتىلەندىرۋ كەرەك.
  ءماجىلىس مىنالاردى اتاپ كورسەتتى: نەگىزگى زاڭعا وزگەرىس ەنگىزۋ − مەملەكەتتىڭ ساياسي تۇرمىسىنداعى ءىرى ءىس، پارتيا ورتالىق كوميتەتىنىڭ جاڭا داۋىردە جۇڭگوشا سوتسياليزمگە تاباندى بولۋداعى جانە ونى دامىتۋداعى جالپى جاعدايلىق جانە ستراتەگيالىق تۇرعىسىنان شىعارىلعان كەلەلى شەشىم، سونداي - اق مەملەكەتتى زاڭ بويىنشا جاپپاي جونگە سالۋدى ىلگەرىلەتۋدىڭ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدىڭ كەلەلى شاراسى. نەگىزگى زاڭنىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ بارىسىنداعى ماڭىزدى رولىن ونان ارمان ويداعىداي ساۋلەلەندىرۋ ءۇشىن، نەگىزگى زاڭعا لايىقتى وزگەرىس ەنگىزىپ، پارتيا مەن حالىقتىڭ اماليات بارىسىندا قول جەتكىزگەن كەلەلى نازاريالىق جاسامپازدىق، امالياتتىق جاسامپازدىق، ءتۇزىم جاسامپازدىق تابىستارىن نەگىزگى زاڭنىڭ بەلگىلەمەسى دەڭگەيىنە كوتەرۋگە تۋرا كەلەدى. پارتيا ورتالىق كوميتەتىنىڭ ءبىر رەتكى جالپى ماجىلىستە نەگىزگى زاڭعا وزگەرىس ەنگىزۋ ماسەلەسىن ارناۋلى تالقىلاۋدى ۇيعارۋى پارتيا ورتالىق كوميتەتىنىڭ وسى رەتكى نەگىزگى زاڭعا وزگەرىس ەنگىزۋگە وسكەلەڭ ءمان بەرگەندىگىن تولىق ايگىلەدى.
  ءماجىلىس بىلاي دەپ قارادى: وسى رەتكى نەگىزگى زاڭعا وزگەرىس ەنگىزۋدە، جۇڭگوشا سوتسياليزم ۇلى تۋىن بيىك ۇستاپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، پارتيا مەن مەملەكەت ىستەرىنىڭ دامۋداعى جاڭا تابىستارىن، جاڭا تاجىريبەلەرىن، جاڭا تالاپتارىن ايگىلەپ، نەگىزگى زاڭنىڭ داۋىرمەن بىرگە العاباسۋىن، كەمەلدەنۋىن، دامۋىن ىلگەرىلەتىپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ، «قوس ءجۇز جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن نەگىزگى زاڭ جاعىنان پارمەندى كەپىلدىك ازىرلەۋ كەرەك.
  ءماجىلىس مىنالاردى باسا دارىپتەدى: نەگىزگى زاڭعا وزگەرىس ەنگىزۋدە مىنا پرينسيپتەردى، ءسوز جوق، دايەكتىلەندىرۋ كەرەك: پارتيانىڭ باسشىلىعىنا تاباندى بولۋ، جۇڭگوشا سوتسياليستىك زاڭمەن جونگە سالۋ جولىنا تاباندى بولۋ، دۇرىس ساياسي بەتالىسقا تاباندى بولۋ؛ زاڭ بويىنشا، تارتىپكە ساي قاتاڭ جۇرگىزۋ؛ دەموكراتيانى تولىق ساۋلەلەندىرىپ، ورتاق تانىمدى كەڭ كولەمدە ۇيىستىرىپ، حالىقتىڭ ەرىك - جىگەرىن اڭىس ەتۋگە، حالىقتىڭ قولداۋىنا قول جەتكىزۋگە كەپىلدىك ەتۋ؛ نەگىزگى زاڭعا ءىشىنارالىق وزگەرىس ەنگىزۋ، ۇلكەن وزگەرىس ەنگىزبەۋ پرينسيبىنە تاباندى بولىپ ءارى پارتيا مەن حالىق ىستەرىنىڭ دامۋ تالابىنا سايكەسۋگە، ءارى نەگىزگى زاڭنىڭ، زاڭداردىڭ دامۋ زاڭدىلىعىنا بويسۇنۋعا كەپىلدىك ەتىپ، نەگىزگى زاڭنىڭ ۇلاسپالىلىعىن، تۇراقتىلىعىن، بەدەلىن ساقتاۋ.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ