قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  

ج ك پ ورتالىق كوميتەتى، مەملەكەتتىك كەڭەس مەملەكەتتىك عىلىم - تەحنيكا سيلىعى جينالىسىن سالتاناتپەن وتكىزدى

شي جينپيڭ جينالىسقا قاتىناستى ءارى ەڭ جوعارى سيلىقتىڭ يەگەرلەرى قاتارلىلارعا سيلىق ۇسىندى لي كىچياڭ جينالىستا ءسوز سويلەدى، جاڭ گاۋلي جينالىستى باسقاردى، ۋاڭ حۋنيڭ جينالىسقا قاتىناستى

2018.01.09 16:01 كەلۋ قاينارى : شينجياڭ گازەتىنەن

  مەملەكەتتىك عىلىم - تەحنيكا سيلىعى جينالىسى 8 - قاڭتاردا بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2017 - جىلعى مەملەكەتتىك ەڭ جوعارى عىلىم - تەحنيكا سيلىعىنىڭ يەگەرى − نانجيڭ تەحنولوگيالىق عىلىمدار ۋنيۆەرسيتەتىنەن ۋاڭ زىشان اكادەميك (وڭدا) پەن جۇڭگو اۋرۋدىڭ الدىن الۋ، تىزگىندەۋ ورتالىعى ۆيرۋستىڭ الدىن الۋ، تىزگىندەۋ ينستيتۋتىنان حوۋ يۇندى اكادەميككە (سولدا) سيلىق كۋالىگىن ۇسىندى.
  سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
  شينحۋا اگەنتتىگىنىڭ 8 - قاڭتاردا بەيجيڭنەن بەرگەن حابارى (تىلشىلەر چىن فاڭ، ۋ جيڭ). ج ك پ ورتالىق كوميتەتى، مەملەكەتتىك كەڭەس 8 - قاڭتار كۇنى تۇستەن بۇرىن بەيجيڭدە مەملەكەتتىك عىلىم - تەحنيكا سيلىعى جينالىسىن سالتاناتپەن وتكىزدى. پارتيا مەن مەملەكەت باسشىلارىنان شي جينپيڭ، لي كىچياڭ، جاڭ گاۋلي، ۋاڭ حۋنيڭ جينالىسقا قاتىناستى ءارى سيلىق يەگەرلەرىنە سيلىق ۇسىندى. لي كىچياڭ جينالىستا پارتيا ورتالىق كوميتەتى مەن مەملەكەتتىك كەڭەس اتىنان ءسوز سويلەدى. جينالىستى جاڭ گاۋلي باسقاردى.
  تۇستەن بۇرىن ساعات 10دا جينالىس ايبىندى مەملەكەت ءانىنىڭ اۋەنىمەن باستالدى. قىزۋ شاپالاق ءۇنى ىشىندە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ الدىمەن 2017 - جىلعى مەملەكەتتىك ەڭ جوعارى عىلىم - تەحنيكا سيلىعىنىڭ يەگەرلەرى − نانجيڭ تەحنولوگيالىق عىلىمدار ۋنيۆەرسيتەتىنەن ۋاڭ زىشان اكادەميك پەن جۇڭگو اۋرۋدىڭ الدىن الۋ جانە تىزگىندەۋ ورتالىعى ۆيرۋستىڭ الدىن الۋ جانە تىزگىندەۋ ينستيتۋتىنان حوۋ يۇندى اكادەميككە سيلىق كۋالىگىن ۇسىندى ءارى ولارمەن ىستىق ىقىلاسپەن قول الىسىپ، قۇتتى بولسىن ايتتى. سونان كەيىن، شي جينپيڭ قاتارلى پارتيا مەن مەملەكەت باسشىلارى مەملەكەتتىك جاراتىلىستىق عىلىمدار سيلىعىنىڭ، مەملەكەتتىك تەحنيكالىق تاپقىرلىق سيلىعىنىڭ، مەملەكەتتىك عىلىم - تەحنيكا العاباسارلىعى سيلىعىنىڭ جانە جۇڭحۋا حالىق رەسپۋبليكاسى حالىقارالىق عىلىم - تەحنيكالىق ىنتىماقتاستىق سيلىعىنىڭ يەگەرلەرىنىڭ ۋاكىلدەرىنە سيلىق ۇسىندى.
  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ سوزىندە پارتيا ورتالىق كوميتەتى مەن مەملەكەتتىك كەڭەس اتىنان سيلىق يەگەرلەرىن قىزۋ قۇتتىقتادى، بۇكىل ەلدەگى قالىڭ عىلىم - تەحنيكا قىزمەتكەرلەرىنە وسكەلەڭ قۇرمەت ءبىلدىردى جانە ولاردان شىنايى حال سۇرادى، جۇڭگونىڭ عىلىم - تەحنيكا ىستەرىنە ات سالىسقان جانە قولداۋ كورسەتكەن شەتەلدىك ماماندارعا شىن جۇرەكتەن العىس ايتتى.
  لي كىچياڭ مىنالاردى اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ عىلىم - تەحنيكا ىستەرى قارىشتاپ دامىپ، ەكونوميكالىق، قوعامدىق دامۋدا تاريحي جەتىستىكتەرگە قول جەتكىزۋگە، تاريحي وزگەرىستەردىڭ جارىققا شىعۋىنا كەلەلى ۇلەس قوستى. قازىر ەلىمىزدىڭ دامۋى جاڭا تاريحي باستامادا تۇر، ەكونوميكانىڭ ساپالى دامۋىن ىلگەرىلەتىپ، حالىقتىڭ كوركەم تۇرمىسقا دەگەن كۇن سايىن ارتقان قاجەتىن قاناعاتتاندىرۋ ءۇشىن، ءسوز جوق، پارتيا 19 - قۇرىلتايىنىڭ ورنالاستىرۋى بويىنشا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭالىق اشۋ قوزعاۋشى كۇش بولعان دامۋ ستراتەگياسىن ىشكەرىلەي اتقارىپ، عىلىم - تەحنيكادا جاڭالىق اشۋعا ءتىپتى جويقىن، ءتىپتى باياندى كۇش جۇمىلدىرۋ كەرەك.
  لي كىچياڭ بىلاي دەدى: عىلىم - تەحنيكادا قۋاتتى ەل قۇرۋدى بەتكە الىپ، نەگىزدىك عىلمي زەرتتەۋدى كۇشەيتىپ، كوپ تاراپتانعان ۇسىنىلىم مەحانيزمىن كەمەلدەندىرىپ، نەگىزدىك عىلىم مەن قولدانىلمالى عىلىمنىڭ ۇشتاسۋىن جەبەپ، ءتول جاسامپازدىق قابىلەتىن نىعايتۋ كەرەك. ەكونوميكالىق دامۋدىڭ ساپاسى مەن تيىمدىلىگىن كوتەرۋدى بەتكە الىپ، شەشۋشى جالپىلىق تەحنيكالاردان قامال الۋدى تەزدەتىپ، شارۋاشىلىقتىڭ دامۋىنا تۇساۋ بولىپ وتىرعان ماسەلەلەردى ويداعىداي شەشۋ كەرەك. حالىقتى باقىتتى تۇرمىسقا كەنەلتۋدى بەتكە الىپ، سالماقتى اۋرۋلاردىڭ الدىن الۋ جانە ونى ەمدەۋ، ازىق - تۇلىك حاۋىپسىزدىگى، لاستانۋدى جونگە سالۋ سياقتى سالالاردا قامال الىپ، حالىقتى اناعۇرلىم كوركەم تۇرمىسقا جەتكىزۋ كەرەك. عىلىم - تەحنيكالىق جاڭالىق اشۋ مەن ەكونوميكانىڭ تەرەڭدەي توعىسۋىن ىلگەرىلەتىپ، جاڭا تەحنيكا، جاڭا شارۋاشىلىق، جاڭا فورماتسيالاردىڭ جەدەل جەتىلۋىن جەبەۋ كەرەك.
  لي كىچياڭ مىنالاردى اتاپ كورسەتتى: كاسىپورىندار تەحنيكادا جاڭالىق اشۋدىڭ نەگىزگى تۇلعاسىنا اينالۋى، كاسىپورىنداردىڭ جاڭالىق اشۋىنا ۇسىنىلىم قوسۋىن قولداۋ ساياساتتارى مەن شارالارىن تياناقتاندىرىپ جانە كەمەلدەندىرىپ، تەحنيكادا جاڭالىق اشۋ بويىنشا جاڭا فاكتورلاردىڭ كاسىپورىندارعا شوعىرلانۋىنا جەتەكشىلىك ەتۋ كەرەك. عىلىم - تەحنيكادا جاڭالىق اشۋدىڭ ەڭ نەگىزگى فاكتورى − ادام، ءسوز جوق، عىلىم - تەحنيكا ءتۇزىلىسى رەفورماسىن تەرەڭدەتىپ، جاڭالىق اشۋعا شابىتتاندىرۋ مەحانيزمىن جەتىلدىرىپ، جاڭالىق اشۋشى توپتار مەن كوشباسشى دارىندىلارعا ادام، قازىنا، ماتەريال ۇيلەستىرۋ، تەحنيكالىق باعىتتارعا شەشىم قابىلداۋ بويىنشا ءتىپتى زور ۇقىق بەرىپ، ۇلەسكەر عىلىم - تەحنيكا قىزمەتكەرلەرىنىڭ داڭق پەن مۇددەگە بىردەي كەنەلۋىنە شىن مانىندە مۇمكىندىك جاساپ، حالىقارالىق وزىق دەڭگەيدەگى جاڭالىق جەتىستىكتەرىن ءتىپتى كوپ جارىققا شىعارۋ كەرەك.
  لي كىچياڭ بىلاي دەدى: جاڭالىق اشۋ جانە جاسامپازدىق جاراتۋ رۋحىن ساۋلەلەندىرىپ، جاڭالىق اشۋمەن قامداۋ قابىلەتىن جانە ونىڭ تيىمدىلىگىن جوعارىلاتىپ، جابال شارۋاشىلىق قۇرۋ، جۇمىلا جاڭالىق اشۋدىڭ جاڭا دەڭگەيگە كوتەرىلۋىن جەبەۋ كەرەك. مەملەكەتتىك ماڭىزدى عىلمي زەرتتەۋ نەگىزدىك قۇرىلعىلارىنىڭ، عىلمي ساندى مالىمەتتەر مەن قۇرال - جابدىقتاردىڭ قوعامعا اشىق ۇستالۋىن ىلگەرىلەتۋ كەرەك. ءبىلىم مەنشىك ۇقىعىن قورعاۋدى كۇشەيتۋ كەرەك. حالىقارالىق ىنتىماقتاستىقتى تەرەڭدەتىپ، عالامدىق جاڭالىق اشۋ جەلىسىنە ىرىقتى تۇردە ات سالىسىپ، الەمدىك جاڭالىق اشۋدىڭ بيىك تۇرعىسىن قالاۋ كەرەك.
  مەملەكەتتىك كەڭەستىڭ ورىنباسار زۇڭليى جاڭ گاۋلي جينالىستى باسقارعاندا بىلاي دەدى: قالىڭ عىلىم - تەحنيكا قىزمەتكەرلەرىنىڭ سيلىق يەگەرلەرىن ۇلگى تۇتىپ، وتاندى كوكەيدە ساقتاپ، حالىقپەن تىلەكتەس بولىپ، باتىلدىقپەن جاۋاپكەرشىلىك ارقالاپ، ەرلىكپەن قياعا ورلەپ، عىلىم - تەحنيكادا قۋاتتى ەل قۇرۋدىڭ داۋىرلىك تاپسىرماسىن جۇرەكتىلىكپەن مويىنعا الۋىن ءۇمىت ەتەمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگوشا دەربەس جاڭالىق اشۋ جولىنان اۋىتقىماي، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا جاڭا، ءتىپتى زور ۇلەستەر قوسۋعا ءتيىسپىز.
  مەملەكەتتىك كەڭەستىڭ ورىنباسار زۇڭليى ليۋ ياندۇڭ جينالىستا «مەملەكەتتىك كەڭەستىڭ 2017 - جىلدىق مەملەكەتتىك عىلىم - تەحنيكا سيلىعى جونىندەگى قارارىن» وقىدى.
  ۋاڭ زىشان سيلىق يەگەرلەرى اتىنان سوزگە شىقتى.
  جينالىس باستالۋدان بۇرىن، شي جينپيڭ قاتارلى پارتيا مەن مەملەكەت باسشىلارى مەملەكەتتىك عىلىم - تەحنيكا سيلىعىنىڭ يەگەرلەرىمەن كەزدەستى ءارى ولارمەن ەستەلىك سۋرەتكە ءتۇستى.
  جينالىسقا باسشى جولداستاردان تاعى ديڭ شۋەشياڭ، شۇي چيلياڭ، چىن شي، حۋاڭ كۇنميڭ، شىن يۋەيۋە، ياڭ جيڭ، ۋان گاڭ قاتىناستى.
  ورتالىق پەن مەملەكەت ورگاندارىنداعى جانە ارميانىڭ قاتىستى جاقتارىنداعى جاۋاپتى جولداستار، مەملەكەتتىك عىلىم - تەحنيكا، وقۋ - اعارتۋ قىزمەتىنە باسشىلىق ەتۋ گرۋپپاسىنىڭ مۇشەلەرى، مەملەكەتتىك عىلىم - تەحنيكا سيلىعى كوميتەتىنىڭ مۇشەلەرى مەن استاناداعى عىلىم - تەحنيكا سالاسىنىڭ ۋاكىلدەرى سياقتى 3300گە جۋىق ادام جينالىسقا قاتىناستى.
  2017 - جىلدىق مەملەكەتتىك عىلىم - تەحنيكا سيلىعىنا 270 نىسان مەن 9 عىلىم - تەحنيكا مامانى سارالاندى. بۇندا مەملەكەتتىك ەڭ جوعارى عىلىم - تەحنيكا سيلىعىنىڭ يەگەرى 2 ادام؛ مەملەكەتتىك جاراتىلىستىق عىلىمدار سيلىعى 35، بۇندا ءبىرىنشى دارەجەلى سيلىق 2، ەكىنشى دارەجەلى سيلىق 33؛ مەملەكەتتىك تەحنيكالىق تاپقىرلىق سيلىعى 66، بۇندا ءبىرىنشى دارەجەلى سيلىق 4، ەكىنشى دارەجەلى سيلىق 62؛ مەملەكەتتىك عىلىم - تەحنيكا العاباسارلىعى سيلىعى 170، بۇندا ەرەكشە سيلىق 3، ءبىرىنشى دارەجەلى سيلىق 21 (جاڭالىق اشۋشى 3 توپ قامتىلادى)، ەكىنشى دارەجەلى سيلىق 146؛ شەتەلدىك 7 عىلىم - تەحنيكا مامانىنا جۇڭحۋا حالىق رەسپۋبليكاسىنىڭ حالىقارالىق عىلىم - تەحنيكالىق ىنتىماقتاستىق سيلىعى بەرىلدى.
جاۋاپتى رەداكتورى : ريزا حاميت قىزى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ