قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
ساندىق گازەت ارى قاراي
سۋرەتتەر سويلەيدى ارى قاراي
  • 25 - جەلتوقساندا ياڭ جياۋجياۋ مەن ءسادام ءسادامنىڭ 2 نەمەرە قىزىن الىپ قايتۋ ءۇشىن بالاباقشاسىنا بىرگە باردى.
  • 25 - جەلتوقساندا ياڭ جياۋجياۋ ءسادامنىڭ قان قىسىمىن ولشەۋدە.

ورتالىق اسكەري ىستەر كوميتەتى 2018 - جىلعى اسكەري جاتتىعۋعا جۇمىلدىرۋ جينالىسىن اشتى

شي جينپيڭ بۇكىل ارمياعا جاتتىعۋ بۇيرىعىن جاريالادى

2018.01.04 12:20 كەلۋ قاينارى : شينجياڭ گازەتىنەن

3 - قاڭتار تۇستەن بۇرىن، ورتالىق اسكەري ىستەر كوميتەتى 2018 - جىلعى اسكەري جاتتىعۋعا جۇمىلدىرۋ جينالىسىن سالتاناتپەن وتكىزدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بۇكىل ارمياعا جاتتىعۋ بۇيرىعىن جاريالادى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

شينحۋا اگەنتتىگىنىڭ 3 - قاڭتاردا باۋديڭنەن بەرگەن حابارى. (ءتىلشى ساۋ جى) جاڭا جىل باستالىپ، الەم جاڭاردى، بۇكىل ارميانىڭ قارۋ قايراپ، ات جابداپ، اسكەر جاتتىقتىراتىن مەزگىلى كەلىپ جەتتى. 3 - قاڭتار تۇستەن بۇرىن، ورتالىق اسكەري ىستەر كوميتەتى 2018 - جىلعى اسكەري جاتتىعۋعا جۇمىلدىرۋ جينالىسىن سالتاناتپەن وتكىزدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بۇكىل ارمياعا جاتتىعۋ بۇيرىعىن جاريالاپ، بۇكىل ارميانى پارتيا 19 - قۇرىلتايىنىڭ رۋحى مەن پارتيانىڭ جاڭا داۋىردەگى ارميانى قۇدىرەتتەندىرۋ يدەياسىن دايەكتىلەندىرۋگە، تياناقتاندىرۋعا، ناقتى شايقاستىق اسكەري جاتتىعۋدى جاپپاي كۇشەيتىپ، جەڭىسكە جەتۋ قابىلەتىن جان - جاقتى كۇشەيتۋگە شاقىردى.
  قاقاعان قىستا سولتۇستىك جۇڭگو جەرىندە سارى اياز قىسقانىمەن، جاتتىعۋ الاڭى جاندى ومىرشەڭدىككە تولىپ، قىزۋ ىنتا ەسەدى. جاتتىعۋعا جۇمىلدىرۋ جينالىسىنىڭ نەگىزگى جينالىس الاڭى ورتا بولەك اسكەري رايونى قۇرلىق ارمياسى بەلگىلى پولكىنىڭ نىسانا الاڭىندا، 7000نان استام كوماندير - جاۋىنگەر مۇزداي قارۋلانىپ، ايبىنمەن ساپ تۇزەپ تۇر، 300گە جۋىق جابدىق رەتىمەن ءتىزىلىپ، اسقاق ايبىن تانىتادى.
  تەكسەرۋ تۇعىرىنا «ورتالىق اسكەري ىستەر كوميتەتىنىڭ 2018 - جىلعى اسكەري جاتتىعۋعا جۇمىلدىرۋ جينالىسى» دەپ جازىلعان كەرمە تۋ اسىلعان. «ناقتى شايقاس تالاپتارى بويىنشا جاتتىعۋ جاساپ، جاتتىعۋ بويىنشا ناقتى شايقاس جۇرگىزىپ، جاتتىعۋ مەن ناقتى شايقاستى ءبىر تۇلعالاندىرايىق»، «شاقىرعاندا جەتىپ كەلۋ، كەلە سالا شايقاسقا كىرىسە الۋ، شايقاسسا، ءسوزسىز، جەڭىسكە جەتۋ» دەگەن جازۋلار وزگەشە كوز تارتادى. سونىمەن بىرگە، بۇكىل ارميا 4000نان استام بولىمشە جينالىس الاڭىنا ءبولىنىپ، قۇرلىق ارمياسى، تەڭىز ارمياسى، اۋە ارمياسى، راكەتا ارمياسى، ستراتەگيالىق كومەكشى قوسىن، قارۋلى ساقشى قوسىندارى بويىنشا دالالىق شايقاس بولىمشە جينالىس الاڭدارىنا ءبولىندى. قالىڭ ورمان، قارلى دالادان كوز جەتپەس شالعاي جەرلەرگە دەيىن، باتىس سولتۇستىكتەگى ءشول دالالاردان شىعىس وڭتۇستىكتەگى تەڭىز جاعالاۋلارىنا دەيىن، ورتا جازىقتاعى ىشكى وڭىرلەردەن ون مىڭداعان شاقىرىمدىق شەكاراعا دەيىن، 3 ارميانىڭ ساربازدارى ايباتپەن قاسقايىپ، جينالىپ بۇيرىق كۇتتى. بۇل − ورتالىق اسكەري ىستەر كوميتەتىنىڭ تۇڭعىش رەت بۇكىل ارميانى ءبىر تۇتاس ۇيىمداستىرىپ جاتتىعۋعا جۇمىلدىرۋى، حالىق ارمياسىنىڭ جاڭا داۋىردەگى اسكەر جاتتىقتىرىپ، سوعىسقا دايىندالۋىنىڭ ءبىر رەتكى شىت جاڭا كورىنىسى ەدى.
  ساعات ءدال 10دا، اسكەري كيىم كيگەن شي جينپيڭ نەگىزگى جينالىس الاڭىنداعى تەكسەرۋ تۇعىرىنا شىقتى. جاتتىعۋعا جۇمىلدىرۋ جينالىسى باستالدى، كوماندير - جاۋىنگەرلەر جۇڭگو حالىق ازاتتىق ارمياسىنىڭ اسكەري مارشىن بىركەلكى ۇنمەن ايتتى، اسقاق مارش اۋەنى اسپاندى جاڭعىرتىپ، اسكەري كازارمالاردى كەرنەدى.
  ىلە - شالا، شي جينپيڭ بۇكىل ارمياعا جاتتىعۋ بۇيرىعىن جاريالادى. ول بىلاي دەپ بۇيرىق بەردى: بۇكىل ارميانىڭ ءار دارەجەلى ورىندارى اسكەر جاتتىقتىرىپ، سوعىسقا دايىندالۋدى كۇشەيتۋدى ايقىن جەتەكشى ەتىپ، اسكەري جاتتىعۋدى بۇلجىماستان ستراتەگيالىق ورىنعا قويىپ، وزەكتى قىزمەت ەتىپ مىقتى يگەرىپ، ونىمدىلىك جاراتۋ كەرەك. باسشىلار باستاماشى بولۋدان، جوعارىنىڭ تومەندى باستاۋىنان جازباي، ناقتى شايقاستىڭ ناقتى جاتتىعۋىندا، بىرلەسپە شايقاستىڭ بىرلەسپە جاتتىعۋىندا تاباندى بولىپ، باعدارلاما بويىنشا جاتتىعۋ جۇرگىزۋدەن، جاتتىعۋدى قاتاڭ جونگە سالۋدان جازباۋ كەرەك. جاتتىعۋ ستيلىن دۇرىستاپ، جاتتىعۋ ادىسىندە جاڭالىق اشىپ، جاتتىعۋ قامتاماسىزدىعىن كەمەلدەندىرىپ، جاتتىعۋدى باقىلاۋدى قاتايتىپ، بۇقارالىق اسكەر جاتتىقتىرىپ، ونەر سىناسۋ قيمىلدارىن ورىستەتىپ، باعىتتامالى، شارپىسپالى جاتتىعۋدى كۇشەيتىپ، اسكەري جاتتىعۋدىڭ ناقتى شايقاستىق دەڭگەيىن جوعارىلاتىپ، شايقاس جاساي الاتىن، شايقاستا جەڭىسكە جەتە الاتىن ىسىلعان قابىلەتتى مىقتاپ يگەرۋ كەرەك. بۇكىل ارمياداعى قولباسىلار مەن جاۋىنگەرلەر پارتيا ورتالىق كوميتەتى مەن ورتالىق اسكەري ىستەر كوميتەتىنىڭ شەشىمدەرىن، نۇسقاۋلارىن باتىل دايەكتىلەندىرىپ، بىرىنشىدەن، جاپا - ماشاقاتتان قورىقپايتىن، ەكىنشىدەن، ولىمنەن قورىقپايتىن كۇرەس رۋحىن ساۋلەلەندىرىپ، قاجىرلىلىقپەن جاتتىعىپ، عىلمي جاتتىعىپ، قيىنشىلىقتى جەڭۋگە باتىل بولىپ، قارسىلاسىنان اسۋعا باتىل بولىپ، شاقىرعاندا جەتىپ كەلەتىن، كەلە سالا شايقاسقا كىرىسە الاتىن، شايقاسسا، ءسوزسىز، جەڭىسكە جەتەتىن سايلاۋىت جاساق، تاڭداۋلى قوسىن سومداپ، پارتيا مەن حالىق جۇكتەگەن جاڭا داۋىرلىك بورىش پەن مىندەتتى باتىل ورىنداۋ كەرەك.
  شي جينپيڭ جاتتىعۋ بۇيرىعىن جاريالاعاننان كەيىن، الاڭدا شاتىرلاعان شاپالاق ءۇنى ۇزاققا سوزىلدى.
  باس قولباسىنىڭ بۇيرىعىمەن بۇكىل ارميا ارەكەتكە تەگىس كىرىستى. جاتتىعۋ بۇيرىعىن العاننان كەيىن، الاڭداعى كوماندير - جاۋىنگەرلەر نارت قىزىل 8 - ارميا تۋىنا قاراپ جاۋىنگەرلەر سەرتىن جوعارى داۋىسپەن ايتتى. اسكەري تۋلار جەلبىرەپ، اينىماس سەرتتەر بەرىلىپ، كوماندير - جاۋىنگەرلەردىڭ ءتوراعا شي جينپيڭنىڭ بۇيرىعىنا باتىل بويسۇناتىن، اسكەر جاتتىقتىرىپ، سوعىسقا دايىندالۋدى مىقتاپ ۇستايتىن بەرىك ەركى تولىق ايگىلەندى.
  بۇيرىق بەرىلىسىمەن قاۋىرت قيمىل باستالدى. 2018 - جىلعى بۇكىل ارميانىڭ اسكەري جاتتىعۋىنىڭ شىمىلدىعى رەسمي اشىلىپ، قوسىندار جوسپار بويىنشا جاتتىعۋعا كىرىستى. نەگىزگى جينالىس الاڭىنداعى كوماندير - جاۋىنگەرلەر سوعىس ماشينالارىنا شىعىپ، سوعىس ورىندارىنا ورنالاسىپ، جىلدام جايىلدى، ءاپ - ساتتە ۇران جەر - كوكتى ءدۇر سىلكىندىرىپ، ماشينالار وزانداپ، شاڭ كوتەرىلىپ، الەكەدەي جالانعان كورىنىس قالىپتاستى. شي جينپيڭ جينالىس الاڭىندا كوماندير - جاۋىنگەرلەردىڭ جاتتىعۋ الاڭىنا يكەممەن جينالعان جاعدايىن كوزدەن كەشىرىپ، رازى بەينەمەن قارادى.
  شي جينپيڭ بەينە كەسكىن ارقىلى ءارقايسى اسكەر تۇرلەرى مەن قارۋلى ساقشى قوسىندارىنىڭ دالاداعى بولىمشە جينالىس الاڭدارىنداعى جاتتىعۋ جاساۋ جاعدايىن كوردى. سولتۇستىكتىڭ مۇز قۇرسانعان دالاسىندا، قۇرلىق ارمياسىنىڭ بەلگىلى ارالاس بريگاداسىنىڭ كوماندير - جاۋىنگەرلەرى قارلى بوران، قاپالاقتاپ جاۋعان قارعا قاراماي، شىن وق، شىن قارۋلى جاتتىعۋ ورىستەتتى؛ وڭتۇستىكتەگى اسكەري پورتتارداعى تاۋ تولقىندار اراسىندا، تەڭىز ارمياسىنىڭ قۇرلىقتىق شايقاس اترەتتەرى قۇرلىققا شىعۋ، جۇك تيەۋ جاتتىعۋىن ورىستەتتى؛ حىبەيدىڭ ورتا بولەگىندەگى شەت - شەكسىز جازىقتاردا، اۋە ارمياسىنىڭ بەلگىلى تاجىريبە جاتتىعۋ بازاسى اۋەدە قارسىلاسۋ، جەرگە قاراتا تۇتقيىل شابۋىلداۋ جاتتىعۋىن ورىستەتتى؛ چاڭجياڭنىڭ وڭتۇستىگىندەگى بەتكەيلەردىڭ تۇڭكەلى ورماندارى اراسىندا، راكەتا ارمياسىنىڭ بەلگىلى باسقارىلمالى بومبا بريگاداسى اۋىستىرىپ تيەۋ سىناعى جاتتىعۋىن ورىستەتتى؛ بەيجيڭنىڭ قالا ماڭىنداعى بايتاق دالالارداعى قاقاعان سۋىقتا، قارۋلى ساقشى بەيجيڭ باس اترەتى شۇعىل جاعدايعا توتەپ بەرۋ، ءبىر جاقتى ەتۋ جاتتىعۋىن ورىستەتتى...
  سوعىس ماشينالارى جوڭكىلىپ، سوعىس كەمەلەرى زىمىرادى، كۇمىس قانات ۇشاقتار كۇركىرەي ۇشىپ، كوك نايزالار اسپان تىرەدى... بۇكىل ارميا تاسقىنداعان ساياسي ىنتامەن، اسقاق كۇرەس ەركىمەن جۇڭحۋانىڭ بايتاق دالاسىندا ناقتى شايقاستىق اسكەري جاتتىعۋدىڭ قىزۋ ورلەۋىن جەدەل كوتەردى.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ جاتتىعۋعا جۇمىلدىرۋ جينالىسىن باسقاردى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يۋشيا، ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين، اسكەري ىستەر كوميتەتى ورگانىنىڭ ءار قايسى تاراۋلارىنىڭ نەگىزگى باسشىلارى قيمىلعا قاتىناستى.
3 - قاڭتار تۇستەن بۇرىن، ورتالىق اسكەري ىستەر كوميتەتى 2018 - جىلعى اسكەري جاتتىعۋعا جۇمىلدىرۋ جينالىسىن سالتاناتپەن وتكىزدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بۇكىل ارمياعا جاتتىعۋ بۇيرىعىن جاريالادى. سۋرەتتە: جاتتىعۋعا جۇمىلدىرۋ جينالىس الاڭىنىڭ نەگىزگى الاڭىندا اسكەري بولىمدەر بۇيرىق جاريالانعاننان كەيىن جاتتىعۋعا كىرىستى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ