قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

«جۇڭگو كەرەمەتىنىڭ» استارىنداعى داۋسىز لوگيكا(1)

شينحۋا اگەنتتىگىنىڭ تىلشىلەرى

2017.10.14 17:03 كەلۋ قاينارى : شينجياڭ گازەتىنەن

 9 ميلليون 600 مىڭ شارشى كيلومەتر بايتاق توپىراققا تابان تىرەگەن، جۇڭحۋا ۇلتىنىڭ ۇزاق كۇرەسى قۇنارلاندىرعان مادەنيەتتەن ءنار العان، ءبىر ميلليارد 300 ميلليون جۇڭگو حالقىنىڭ تەلەگەي تەڭىز قۋاتىن جۇمىلدىرعان ءبىز ءوزىمىز اشقان جولمەن جۇرسەك، ونىڭ ءورىسى شەكسىز كەڭ، تاريحي نەگىزى شەكسىز قالىڭ، ءبىزدى العا باستايتىن تاباندىلىق تا شەكسىز كۇشتى. جۇڭگو حالقىندا مىنە وسىنداي سەنىم بولۋى كەرەك، ءاربىر جۇڭگولىقتىڭ بويىندا مىنە وسىنداي سەنىم بولۋعا ءتيىس.
− شي جينپيڭ

  
  تاريحتىڭ سالقار كوشىندە، جۇڭگو سياقتى ەڭسە كوتەرۋدەن داۋلەت قۇراپ، قۇدىرەتتەنۋگە دەيىنگى ۇلى سەكىرىستى وسىنشاما قىسقا ۋاقىتتىڭ ىشىندە ورىنداپ ۇلگىرگەن وزگە ءبىر ەل جوق. پارتيانىڭ 18 - قۇرىلتايىنان بەرى، ۇدەرە العا باسقان جۇڭگو ءبىر قاتار تاريحي وزگەرىستەر ارقىلى تاريحي سەكىرىستى ىسكە اسىردى.
  نە ءۇشىن جۇڭگو عانا جارايدى؟ نە ءۇشىن جۇڭگونىڭ عانا قولىنان كەلەدى؟ جۇڭگو كوممۋنيستىك پارتياسى وسىناۋ بايتاق ەلدى باستاپ، دامۋدىڭ قانداي وزگەشە جولىن اشتى؟
  جۇڭگو كەرەمەتىنىڭ استارىنداعى داۋسىز لوگيكا − ۇلتتى گۇلدەندىرۋدىڭ ۇلى ساپارىنا قادام باسقان ءبىزدىڭ جۇرەگىمىزگە شەكسىز سەنىم ۇيالاتىپ، دامۋ ۇستىندەگى ەلدەردىڭ وسىزاماندانۋ جولى ۇستىندەگى ىزدەنىستەرىنە ءتىپتى كوپ ۇلگى كورسەتتى، ونىڭ ادامزات دامۋىنىڭ جاڭا بولاشاعىن بەلگىلەيتىنىنە دە داۋ جوق.

بۇل ماركسيزمنىڭ قازىرگى جۇڭگونىڭ امالياتىمەن قابىسا ۇشتاسۋى، سوتسياليستىك جۇڭگونىڭ ۇلى كەرەمەتى
  وتكەن عاسىردىڭ 80 - جىلدارىنىڭ اياعىندا، ا ق ش - تىق وقىمىستى فۋكاياما «تاريحتىڭ اقىرى» تۋرالى بايلام جاساعاندا، ءدال وسىلاي بولارىن بولجاماعان بولۋ كەرەك −−
  بەس جۇلدىزدى قىزىل تۋ تيان - انمىن الاڭىندا جەلبىرەپ، جۇڭگو كوممۋنيستىك پارتياسى سەنىمگە تولى اسقاق جىگەرمەن مەملەكەتتىك 19 - قۇرىلتايدىڭ اشىلۋىن قارسى الىپ، جۇزىنەن ماقتانىشتىڭ لەبى ەسكەن ادامدار بەيجيڭ كورمە سارايىندا «ۇدەرە العا تارتقان 5 جىل» اتىنداعى كولەمدى جەتىستىكتەر كورمەسىن تاماشالادى...
  «وتكەن 5 جىلدا ەلىمىز وتە تەز دامىدى!». 75 جاستاعى جىڭ اجەي مەن ونىڭ جۇبايى كورمەنى جاقسى تاماشالاپ، «وتكەن 5 جىلدىڭ جەتىستىكتەرىنە كوز قاندىرۋ» ءۇشىن، كىشكەنە ورىندىعىن الا كەلىپتى، شارشاسا وتىرا قالىپ، تىنىققان سوڭ، ارى قاراي جالعايدى. ولار وسىنداي تاماشا داۋرەنگە تاپ كەلگەندەرىن شىن جۇرەكتەن ماقتانىش سەزىنەدى ەكەن.
  «ءبىر ەل قانداي يزىمدى جولعا قويادى دەگەندە، باستىسى، وسى يزىمنىڭ وسى مەملەكەت تاپ بولعان تاريحي تاقىرىپتاردى شەشە الاتىن - المايتىنىنا قاراۋ كەرەك. تاريح پەن شىندىق بىزگە مىنانى ۇعىندىردى: جۇڭگونى تەك سوتسياليزم عانا قۇتقارا الادى، جۇڭگونى تەك جۇڭگوشا سوتسياليزم عانا دامىتا الادى، بۇل تاريحتىڭ تۇجىرىمى، حالىقتىڭ تاڭداۋى». باس شۋجي شي جينپيڭ باتىل دا پارمەندى كەسىم جاسادى.
  جول تاعدىردى بەلگىلەيدى. قازىرگى دۇنيەدە، وزگە ەلدىڭ ۇلگىسىن قالپىن قۇراتپاي كوشىرۋ ءتۇپتىڭ - تۇبىندە جەرسىنبەۋگە، قوعامنىڭ ءبۇلىنىپ، تىنىشتىق تاپپاۋىنا، دامۋدىڭ توقىراۋىنا تۇرتكى بولاتىنى تۋرالى مىسالدار ساناپ تاۋىسقىسىز.
   قيىن - قىستاۋ ساتتەردە باسقالار باسپاعان تىڭ جول اشىپ، باسقا ەلدىڭ قولى جەتپەگەن سەكىرىستى دامۋدى ىسكە اسىرۋى جۇڭگو كەرەمەتىنىڭ وزەكتى ءمانى ەدى.
  پارتيانىڭ 18 - قۇرىلتايىنان بەرى، جۇڭگونىڭ دامۋى جاڭا تاريحي بەلەسكە كوتەرىلدى، جۇڭگوشا سوتسياليزم دامۋدىڭ جاڭا كەزەڭىنە قادام تاستادى، سوتسياليزم جۇڭگودا قۇدىرەتتى ومىرشەڭدىك كۇش تانىتىپ، دامۋدىڭ جاڭا ءورىسىن اشا ءتۇستى.
  تاريحتىڭ اقىرى جوق، تاريح اياقتالماق ەمەس، اياقتالعانى سونداعى ايتىلمىش بولجام عانا.
  جۇڭگونىڭ دامۋى مەن العا باسۋىنا تاڭداي قاققان فۋكاياما «جۇڭگونىڭ ساياسي ءتۇزىلىسىنىڭ ارتىقشىلىعى كورنەكتى، ادامزاتتىڭ وي قازىناسىنان جۇڭگوعا ورىن بەرىلۋى قاجەت» دەپ شىنىن ايتتى.
  عاسىرىمىزدىڭ باسىندا، ا ق ش - تىق ادۆوكات گوردەن چاڭ «جۇڭگو كۇيرەۋ الدىندا» دەگەن كىتاپ جازىپ، اتىن اسپانعا شىعارعاندا، ءدال بۇگىنگىدەي بولارىن ويلاعان جوق شىعار −−
  جۇڭگو ەكونوميكاسى نەشە ونداعان جىلدار بويى قارقىندى دامىپ، الەمدەگى 2 - ۇلكەن ەكونوميكالىق تۇلعاعا اينالىپ، عالامنىڭ ونەركاسىپتەنۋدەن بەرگى ۇزاق مەرزىم بويى ارتۋ عالاماتىن جاسادى. اسىرەسە، حالىقارالىق فينانس داعدارىسى جەلدەي ەسىپ، عالامدىق ءوسىم شابانداعان جاعدايدا، جۇڭگونىڭ ىشكى جالپى ءونىمى 2013 - جىلدان 2016 - جىلعا دەيىن ورتا ەسەپپەن %7.2تەن ءوسىپ وتىردى، دۇنيە ءجۇزىنىڭ ەكونوميكالىق وسىمىنە قوسقان ۇلەسى %30تەن اسىپ، ا ق ش، ەۆرو ءوڭىرى جانە جاپونيانىڭ قوسقان ۇلەسىنىڭ جيىنتىعىن ارتقا قالدىرىپ، الەم بويىنشا ءبىرىنشى ورىنعا كوتەرىلدى.
  «جۇڭگونىڭ ءبىر - اق سەكىرىپ ەكونوميكادا اسقان ءىرى ەلگە اينالۋى تاريحتاعى ەڭ عاجاپ اڭگىمەلەردىڭ ءبىرى»، - دەدى ا ق ش - تىڭ بۇرىنعى قازىنا مينيسترى پولسون تاڭ قالىپ.
  رەفورما جاساپ، ەسىك اشقاننان بەرى، جۇڭگودا قازىرگە دەيىن 700 ميلليون ادام كەدەيلىكتەن قۇتىلدى، جۇڭگونىڭ عالامدىق كەدەيلىكپەن كۇرەسكە قوسقان ۇلەسى %70تەن استى. 2016 - جىلى جۇڭگونىڭ اۋىل - قىستاقتارىنداعى كەدەي حالىقتىڭ سانى 2012 - جىلداعىدان 55 ميلليون 640 ادام ازايىپ، جىلدىق ورتاشا كورسەتكىش 14 ميلليون ادامعا تايادى. ۇلى بريتانيانىڭ «ەكونوميست» جۋرنالىنىڭ شولۋىندا بۇل جاعىنان «جۇڭگو ناعىز قاھارمان» دەپ باعالادى.
  كەيبىر وركەندەگەن ەلدەردە جۇمىسسىزدىق كوەففيتسەنتىنىڭ كوتەرىلۋى جۇرت نارازىلىعىن تۋدىرىپ، قوعامنان تىنىشتىق كەتكەندە، جۇڭگونىڭ قالا - قالاشىقتارىندا وتكەن 5 جىلدا ورتا ەسەپپەن جىلىنا 13 ميلليوننان كوبىرەك ادام جۇمىسقا ورنالاسىپ، جالپى 65 ميلليون ادام جۇمىسسىزدىقتان قۇتىلدى، بۇل ەۆروپاداعى كەز كەلگەن ءىرى ەلدىڭ جالپى حالىق سانىنان دا كوپ.
  جوعارى جىلدامدىقتى تەمىر جولدىڭ ۇزىندىعى الەم بويىنشا ءبىرىنشى، تاۋاردىڭ يمپورت - ەكسپورت مولشەرى الەم بويىنشا ءبىرىنشى، شەتەلگە ساياحاتقا باراتىندار مەن شەتەل ساياحاتى بويىنشا تۇتىنۋ مولشەرى الەم بويىنشا ءبىرىنشى... ۇزدىكسىز جاڭالانعان «الەمدىك بىرىنشىلىكتەر» دۇنيە ءجۇزىنىڭ جۇڭگو جونىندەگى تانىمىن دا جاڭارتا ءتۇستى.
  پارتيانىڭ 18 - قۇرىلتايىنان بەرى، جۇڭگو كوممۋنيستىك پارتياسى جۇڭگو ەكونوميكاسىنا «قالاي قاراۋ كەرەك» دەگەن ماسەلەنىڭ شەشىلۋى نەگىزىندە، جاڭا دامۋ ۇستانىمىن جەتەكشى، قامداۋ جاعىنداعى قۇرىلىمدىق رەفورمانى نەگىزگى جەلى ەتۋ دەگەن ساياساتتىق جۇلگەنى ورتاعا قويىپ، ەكونوميكانى دامىتۋ ءۇشىن «نە ىستەۋ كەرەك» دەگەن ماسەلەنى شەشتى؛ قىزمەتتىڭ ورنىقتىلىق بارىسىندا العا ىلگەرىلەۋ دەگەن نەگىزگى اۋەنىنەن جازباي، ەكونوميكالىق قىزمەتتى جاقسى ىستەۋ ءۇشىن «قالاي ىستەۋ كەرەك» دەگەن ماسەلەنى شەشتى.
  «ەكونوميكا باۋىرىن جەرگە سوعادى»، «فينانس داعدارىسى بۇرق ەتە تۇسەدى»، «رەفورما توقىراۋعا تاپ بولدى»... جۇڭگوعا «ولشەپ پىشىلگەن» وسى بولجامداردىڭ ءبىرى دە ورىندالماي، ءبارى دە بوس ءسوز بولىپ شىقتى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ