قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   «كىتاپ وقىعىڭ كەلسە ومىربەكتى ىزدە»   ناراتتاعى نار جىگىت  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

بەيتۇن - التاي تەمىر جولىندا 10 - ماۋسىمدا تۇڭعىش كەزەكتى جولاۋشىلار پويەزى قاتىنادى

التاي قالاسىنا پويەز قاتىناماۋ تاريحى اياقتادى

2017.06.12 16:36 كەلۋ قاينارى : شينجياڭ گازەتىنەن

10 - ماۋسىمدا 3/K9772 كەزەكشى پويەزى التاي ۆوكزالىنان اتتاندى. (شينحۋا اگەنتتىگى)
 ءتىلشىمىز لۋ فىڭباۋ 10 - ماۋسىمدا التايدان حابارلايدى. 10 - ماۋسىم ساعات 9دا 680 نەشە جولاۋشى وتىرعان، التايدان اقسۋعا باراتىن 3/K9772 كەزەكشى پويەزى التاي ۆوكزالىنان اتتاندى. بۇل بەيتۇن - التاي تەمىر جولىندا قاتىناعان تۇڭعىش كەزەكتى جولاۋشىلار پويەزى. سونىمەن التاي قالاسىنا پويەز قاتىناماۋ تاريحى اياقتادى.
  كۇيتۇن - بەيتۇن تەمىر جولىنىڭ جالعاسى بولعان بەيتۇن - التاي تەمىر جولى بەيتۇن قالاسىنداعى ۆوكزالدان ارى قاراي بەيتۇن قالاشىعىن باسىپ، ەرتىس وزەنىن، قىران وزەنىن ەندەي ءوتىپ التاي قالاسىنا بارادى. تۇتاس جەلىدە بالباعاي پويەز بەكەتى جانە التاي پويەز بەكەتى سىندى 2 پويەز بەكەتى قۇرىلعان. اتالعان قۇرىلىس 3 جىلدا سالىنىپ ءبىتتى.
  يۇي گوشين ەسىمدى جولاۋشى: تالاي جىل اڭساعان تەمىر جول اقىرى ءۇيىمىزدىڭ ىرگەسىنە كەلدى. الدا وڭتۇستىك شينجياڭعا، ءتىپتى، ىشكى ولكەلەرگە بارۋىمىز ءتىپتى قولايلى بولاتىن بولدى. بۇرىن ۇرىمجىدەن التاي قالاسىنا قايتقاندا پويەزبەن بەيتۇنعا بارىپ، ودان جولاۋشىلار اۆتوبۋزىمەن ءبىر ساعاتتان استام ۋاقىتتا التاي قالاسىنا ازەر جەتەتىنبىز، - دەدى.
  بەيتۇن - التاي تەمىر جولى سىناق رەتىندە ىسكە قوسىلعاننان كەيىن، التاي قالاسىنان وڭتۇستىك شينجياڭنىڭ اقسۋ، قاشقار ايماقتارىنا پويەزبەن توتە بارۋعا بولادى. بۇل التاي مەن رايونىمىزداعى باسقا ايماق، وبلىس، قالالاردىڭ، ىشكى جەرلەردەگى ولكە، قالالاردىڭ ۋاقىت كەڭىستىك ارالىعىن بارىنشا قىسقارتىپ، التاي ايماعىنداعى ءار ۇلت بۇقاراسىنىڭ ءجۇرىس - تۇرىسىنا قولايلىلىق جاراتۋمەن بىرگە، سولتۇستىك شينجياڭ ءوڭىرىنىڭ تەمىر جول تورىنىڭ جايعاسۋىن كەمەلدەندىرۋ، التاي ايماعىنىڭ قاتىناس - تاسىمال شارت - جاعدايىن جاقسارتۋ، رايونىمىزدىڭ ساياحات شارۋاشىلىق فورماتسياسىنىڭ دامۋىنا جەتەكشىلىك ەتۋ، وڭىرلىك ەكونوميكالىق، قوعامدىق دامۋدى جەبەۋ جونىنەن ماڭىزدى ءمان الادى.
  سونىمەن بىرگە، تەمىر جول جوباسىنا ساي، التاي ۆوكزالىندا التايدان كوكتوعايعا، شىعىس جوڭعارعا دەيىن رەليس تۇتاستىرۋ مۇمكىندىگى قالدىرىلدى. الدا كۇيتۇن - التاي تەمىر جولى نەگىزىنەن جولاۋشى تاسىمالى جۇمىسىن ۇستىنە الادى. جوبالانعان التاي - كوكتوعاي - شىعىس جوڭعار تەمىر جولى نەگىزىنەن جۇك تاسىمالى جۇمىسىن ۇستىنە الادى. وسى 2 تەمىر جول سولتۇستىك شينجياڭ تەمىر جولىنىڭ اينالما جەلىسىن قالىپتاستىرىپ، ءوڭىردىڭ «شىعىس پەن باتىستى بايلانىستىرۋ، وڭتۇستىك، سولتۇستىك باعىتقا قاراي ۇزارتۋ» سىندى ۋنيۆەرسال قاتىناس تورىن قۇرۋ، ساياحات ارالىق ءتۇيىن قالاسىن قۇرۋ، جەلى بويىنداعى كەن بايلىعىن اشۋ، التاي ايماعىنىڭ ەكونوميكالىق دامۋىن جەبەۋ جونىنەن زور باستاماشىلدىق رول اتقارادى.
جاۋاپتى رەداكتورى : نۇربولات قابىل ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ