قىزمەت گرۋپپاسى ديقاندارمەن بىرگە قاربالاستىققا ءتۇستى   قابا: قىزمەت گرۋپپاسىنداعى كادرلار ناقتى ىستەر ىستەپ بەردى   شينجياڭنىڭ «ەڭ زەرەكتەرىن» تاڭداۋ قيمىلى باستالدى   وتىرىقتانعان مالشىلاردىڭ تىڭ تىرلىگى   قىستاققا تۇسكەن كادرلار جۇرت جۇرەگىن توعىستىردى   بۋىرشىن: قوي باعىمشىلىعىنان ۇلگى كورسەتۋ قىستاعىن قۇردى   ناراتتاعى نار جىگىت   «كىتاپ وقىعىڭ كەلسە ومىربەكتى ىزدە»  
چىن چۋانگوارى قاراي
چىن چۋانگو ، ش ۇ ا ر پارتكومنىڭ شۋجيى
شوكىرات زاكىر ارى قاراي
شوكىرات زاكىر، شينجياڭ ۇيعۇر اۆتونوميالى رايونىنىڭ ءتوراعاسى
ساندىق گازەت ارى قاراي
  • جۇڭگو
  • شينجياڭ
  • ايماق
  • الەم
سۋرەتتەر سويلەيدى ارى قاراي

سىناق ءتۇيىنى ەتىپ بەلگىلەنگەن 5 اۋدانداعى حالىق جۇرتشىلىعى اۆتونوميالى رايوننىڭ 
جالپى حالىقتىق دەنساۋلىق تەكسەرۋ ينجەنەرياسىنا قاتىناستى

«ءۇي ماڭايىندا دەنساۋلىقتى اقىسىز تەكسەرتكەن قانداي جاقسى»

□ ەرىكتى تىلشىلەرىمىز جۋ چاۋ، جاڭ ۋيمين، ەسقات، تيان جىجۇڭ

2016.09.29 10:34 كەلۋ قاينارى : شينجياڭ گازەتىنەن

  بىرنەشە كۇننەن بەرى اۆتونوميالى رايوننىڭ جالپى حالىقتىق دەنساۋلىق تەكسەرۋ ينجەنەرياسى گۇما، ءۇشتۇرپان، قۇلجا، نىلقى، قورعاس سىندى 5 اۋداندا الدىمەن سىناق ەتىلدى، «تۇگەل قامتۋ، قالا مەن اۋىلعا بىردەي ولشەم قولدانۋ، اقى الماۋ، ءوز ەركىمەن يگىلىكتەنۋ، حالىققا قولايلى بولۋ، جاقىن ماڭدا دەنساۋلىق تەكسەرۋ» پرينسيبىنە ساي، قالا مەن اۋىلدارداعى ءار ۇلت حالقىنىڭ دەنساۋلىعى اقىسىز تەكسەرىلەتىن بولدى.
  27 - قىركۇيەكتە قۇلجا اۋدانىنداعى قالا مەن اۋىل تۇرعىندارىنا باعىتتالعان دەنساۋلىق تەكسەرۋ ينجەنەرياسىنىڭ باستالۋ سالتى وسى اۋدانداعى شولاقاي اۋىلىنىڭ شيپاحاناسىندا ءوتتى. قالا مەن اۋىلدارداعى 430 مىڭ تۇرعىن اۆتونوميالى رايوننىڭ ەمدەۋ ارقىلى حالىققا يگىلىك جاراتۋ جاعىندا العا قويعان وسى ءبىر ساياساتىنىڭ يگىلىگىن كوردى.
  27 - قىركۇيەكتە اۆتونوميالى رايوننىڭ ماماندار گرۋپپاسىنىڭ جەتەكشىلىگىندە، گۇما اۋدانىنىڭ دەنساۋلىق ساقتاۋ تاراۋى ىسىلعان ەمدەۋ قىزمەتكەرلەرىن ۇيىمداستىرىپ، وسى اۋدانداعى كوكتەرەك اۋىلىنىڭ قوچاقۇجىمالىك قىستاعى مەن كىلىياڭ اۋىلىنىڭ تاقتاكوپىر قىستاعىندا دەنساۋلىقتى اقىسىز تەكسەرۋ قيمىلىن ورىستەتتى. 28 - قىركۇيەك ساعات 16عا دەيىن، 2 قىستاق بويىنشا جيىنى 569 ادام دەنساۋلىق تەكسەرۋگە قاتىناستى.
  اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ ورىنباسار مەڭگەرۋشىسى، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا گۇما اۋدانىنىڭ قوستاۋ قالاشىعىنا تۇسكەن قىزمەت گرۋپپاسىنىڭ باستىعى ما ميڭحۇي بىلاي دەدى: «دەر كەزىندە شيپاحاناعا جاتىپ ەمدەۋلدى قاجەت ەتەتىنى بەلگىسىز، سالماقتى ناۋقاسقا شالدىققان ناۋقاستاردى شيپاگەرلەر جوعارى دارەجەلى ەمدەۋ قۇرىلىمىنا بارىپ ىشكەرىلەي تەكسەرتۋگە، ەمدەلۋگە جىبەرەدى، وسىلاي ىستەۋ ارقىلى ناۋقاستى ەرتە بايقاۋعا، ەرتە دياگنوز قويۋعا، ەرتە ەمدەۋگە كەپىلدىك ەتەدى».
  26 - قىركۇيەكتە نىلقى اۋدانى نىلقى وزەن اۋىلىنىڭ شيپاحاناسىندا دەنساۋلىق تەكسەرتۋگە كەلگەن ءار ۇلت ەگىنشى − مالشىلارى ءبىر قاتار بولىپ ساپقا ءتىزىلدى. كوپشىلىك دەنساۋلىق تەكسەرۋ كەستەسىن الىپ، ىشكى اۋرۋلار ءبولىمى، سىرتقى اۋرۋلار ءبولىمى، جۇرەك ارەكەتىنىڭ ەلەكترلى كاريدروگرامماسى سياقتى تۇراقتى تۇرلەر بويىنشا ءبىر − بىرلەپ تەكسەرىلدى. شيپاگەرلەر دەنساۋلىق تەكسەرۋمەن بىرگە، دەنساۋلىق تەكسەرتۋشىنىڭ دەنساۋلىق جاعدايىن سابىرلىلىقپەن ەگجەي - تەگجەيلى سۇرادى، دەنساۋلىعى سىر بەرە باستاعان نەمەسە كورسەتكىشى قالىپسىز بولعان ەگىنشى − مالشىلارعا اقىل - كەڭەس بەردى. تەكسەرۋ ناتيجەسى شىققاننان كەيىن، ەمدەۋ قىزمەتكەرلەرى تەكسەرۋ بارىسىندا بايقالعان اۋرۋلاردى قالاي ەمدەتۋ، قانداي تۇرمىس ءتاسىلى مەن تۇرمىس ادەتىن قالىپتاستىرۋ جونىندە ەگىنشى − مالشىلارعا ەگجەي - تەگجەيلى كەڭەس بەرىپ، ءجون كورسەتتى، سونداي - اق دەنساۋلىعىن اقىسىز تەكسەرتۋگە قاتىناسقان ەگىنشى − مالشىلارعا دەنساۋلىق ارحيۆىن تۇرعىزدى.
  26 - قىركۇيەك تاڭەرتەڭ ءۇشتۇرپان اۋدانى اشاتاۋ اۋىلى توقسۇنجارباسى قىستاعىنىڭ تۇرعىندارى قىستاق شيپاحاناسىنىڭ الدىندا ءبىر قاتار بولىپ ساپقا ءتىزىلىپ، اۋىلدىق شيپاحانا قىزمەتكەرلەرىنىڭ دەنساۋلىقتارىن اقىسىز تەكسەرۋىن توستى.
  ساپتىڭ ىشىندە كەزەك كۇتىپ تۇرعان تۇرعىن مامەت نياز: بيىل 65 جاسقا كەلدىم، بۇرىن قاراجاتتان الاڭداپ، دەنساۋلىعىمدى تەكسەرتىپ كورمەگەن ەدىم. قازىر ۇكىمەت ءۇيىمىزدىڭ ماڭىنا كەلىپ دەنساۋلىعىمىزدى اقىسىز تەكسەرىپ جاتىر، وتە جاقسى بولدى! مۇنداي ءىس بۇرىن بۇل جەردە بولماعان، پارتيا مەن ۇكىمەتكە شىن ىقىلاسپەن العىس جاۋدىرامىن، − دەدى.
  ۇعىسۋعا قاراعاندا، اۆتونوميالى رايوننىڭ بۇل جولعى جالپى حالىقتىڭ دەنساۋلىعىن اقىسىز تەكسەرۋ قىزمەتى جەلتوقساننىڭ سوڭىنا دەيىن جالعاسادى ەكەن. دەنساۋلىق تەكسەرتۋشىلەر سول جەردىڭ نوپوسىنا تىركەلگەن قالا، اۋىل تۇرعىندارى بولۋى كەرەك، ادام باسىنا 100 يۋاندىق دەنساۋلىق تەكسەرۋ ولشەمى بويىنشا، 0 جاستان 6 جاس ارالىعىنداعى بالالار، 7 جاستان 14 جاس ارالىعىنداعى وقۋشىلار، 15 جاستان 65 جاس ارالىعىنداعى قالا، اۋىل تۇرعىندارى، 65 جاستان اسقان قالا، اۋىل تۇرعىندارى دەنساۋلىق تەكسەرۋگە قاتىناسادى. تەكسەرۋ تۇرلەرى قان، نەسەپ تەكسەرۋ، قانداعى قانت قۇرامىن تەكسەرۋ، جۇرەك ارەكەتىنىڭ ەلەكترلى كاريدروگرامماسى، B تيپتەگى ۋلترا دىبىس تولقىنىمەن تەكسەرۋ، رەنتكەن، HIV انتيتەلىن تەكسەرۋ جانە 0 جاستان 6 جاس ارالىعىنداعى مي سالدانۋ ناۋقاسىنا شالدىققان بالالاردان ۇلگى الىپ تەكسەرۋ سياقتىلاردى قامتيدى.
جاۋاپتى رەداكتورى : قۇلقايتەكتى نۇرلان جانايقان ۇلى
ءبىز تۋرالىبىزبەن بايلانىسسايت كارتاسىگازەتكە جازىلۋحابار - ماقالا جولداۋ